SANTIAGO DE COMPOSTELA HOMENAXEA A VALLE-INCLÁN

SANTIAGO DE COMPOSTELA HOMENAXEA A VALLE-INCLÁN

Este mércores, 30 de marzo de 2016, ás 11:30 h., tivo lugar na alameda compostelá o tradicional acto de homenaxe a don Ramón del Valle-Inclán, escritor por razóns de orde biográfica e literaria sobradamente coñecidas tan vinculado tamén ás Terras do Salnés e do Barbanza, localidades de Vilanova de Arousa e da Pobra do Caramiñal.

Organizado pola Fundación Eugenio Granell en colaboración co Museo Valle-Inclán desde o ano 2007, neste homenaxe imponse unha bufanda de cor vermella á efixie do universal literato, escultura obra de César Lombera, que representa a Valle sentado nun dos bancos situados no Paseo da Ferradura ou dos Literatos da alameda contemplando a inspiradora cidade histórica da capital galega.

No acto interviñeron pronunciando unhas breves palabras de recoñecemento Branca Novoneyra, concelleira de cultura de Santiago de Compostela, Mercedes Rosón, representante do padroado da Fundación Granell, Eduardo López Valiña, conservador xefe da Fundación Granell, e Antonio González Millán, director do Museo Valle-Inclán, estando presentes asemade os portavoces de tódolos grupos políticos da corporación municipal compostelá. Como colofón, Xoán Xosé Fernández Abella, escritor membro da Asociación Amigos do Museo do Caramiñal, recitou dous poemas valleinclanianos: “Rosa Gnóstica” (castelá) e “Sobre o sol e a lúa” (galego).

SANTIAGO DE COMPOSTELA HOMENAXEA A VALLE-INCLÁN SANTIAGO DE COMPOSTELA HOMENAXEA A VALLE-INCLÁN SANTIAGO DE COMPOSTELA HOMENAXEA A VALLE-INCLÁN


 

Deja un comentario

Tu dirección de correo electrónico no será publicada. Los campos necesarios están marcados *